L’omu senza amuri

Versi di Mauro Geraci

Testo

Na vota, quann’era picciriddu,
iu mi sinteva diri di me nannu:
– “Niputeddu miu, u sai qual’è lu megghiu fruttu di lu munnu?
Lu ficurinnia è! E’ zuccaru amaru. ­
Duci è sutta a spina, ma è tantu lariu e tintu i fora
ca s’iddu ‘un ti nn’adduni punci li manu e infami t’addulura” -.

E di picciottu cunsigghi mi dicia lu cori:
– “Patruni miu ca m’pettu mi tratteni,
vju ca tu ‘un canusci la megghiu gioia di li gioii!
L’amuri è! Ca mi quaria, m’arrisetta e sana!
Ma pi agguantallu, vigliaccu e tradituri, dda, supra a Luna
l’hamu a truvari” -.

E mentri sti discursi ascutava attentamenti,
la morti vinni, e prestu cuminciò:
– “Non dari cuntu a nuddu – mi dicia -,
iu sugnu la putenza vera, e calmu e arrestu
amuri, disgrazii e duluri!
Pi tia figghiuzzu c’è sulu
Amuri senza amuri!” –

Gioiosa Marea, 18 Novembre 1982

Share:
Mauro Geraci

Author: Mauro Geraci

Lascia un commento

Il tuo indirizzo email non sarà pubblicato. I campi obbligatori sono contrassegnati *